Бишкектеги «Нават» чайханасында өрт чыкты. Бул тууралуу ӨКМден билдиришти.
Маалыматка караганда, кырсык бүгүн, 15-мартта болжол менен саат 08:30 чамасында Байтик Баатыр менен Максим Горький көчөлөрүнүн кесилишинде катталган. Жерине өрттү өчүрүүгө Октябрь райондук №5 ӨКБдан 1 бөлүм тартылган, өрт саат 09:05те толук өчүрүлгөн.
Өрт кырсыгынын кесепетинен чайхананын ашканасынын жыгач устундуу темир менен жабылган чатыры жана желим шыбынын 45 чарчы метр аянты күйгөн. Учурда өрттүн келип чыгуу себеби такталууда. Жабыркагандар катталган жок.
