Бишкектеги коомдук тамактануучу жайларга 2025-жылдын январь айынан сентябрь айына чейин 19 миллион 616 миң сом айып пул салынган. Бул тууралуу борбордогу Мамлекеттик санитардык-эпидемиологиялык көзөмөл борборунун тамак-аш гигиенасы бөлүмүнүн башчысы Махамат Мурзашев билдирди.
Анын айтымында, «Тамак-аш гигиенасы» беренеси боюнча 1458 эреже бузуу протоколдору түзүлүп, 137 мекеменин иши убактылуу токтотулган.
Кошумчалай кетсек, буга чейин суусу кир, таза суусу жана канализациясы жок тамактануучу жайлар эреже бузуулар жоюлганга чейин убактылуу жабылары маалымдалган.
