Социалдык тармактарда Кара-Кулжа районунун Ичке-Суу айылынан Терек-Суу айылына барып, мектепте иштеген 53 жаштагы мугалимдин видеосу тарады. Ал аталган айылга келин болуп баргандан бери бул кесипти аркалап келет.
«Суйкайган сулуу келин болуп баргандан бери ушул жолдо издери калып, өмүрүн билимге арнап, кесибин сүйүп, балдарга таалим-тарбия берип келет. Эки айылдын ортосундагы аралык 3 чакырым. Ичке-Суу айылындагы мектепте башталгыч класстын окуучулары гана билим алышат. Жогорку класстар Терек-Суу айылына барып, 3 чакырым жолду жөө басып өтүп окушат. Кышында бороон-чапкын, көчкү коркунучу бар», — деп жазган соцтармактын колдонуучусу.
