Борбордук шайлоо комиссиясынын ыкчам чара көрүүчү координациялык тобуна 36 кайрылуу түштү. Бул тууралуу бүгүн, 11-апрелде БШКнын өкүлү Тынчтык Шайназаров брифингде билдирди.
«Административдик ресурс колдонуу боюнча 3, үгүт иштеринде шарттарын бузуу боюнча 13, шайлоочулардын укугун бузуу 1, шайлоо тилкелерине ташуу 1, бюллетендерди сүрөткө тартуу 1, тилкелерде белгисиз адамдардын турганы боюнча 2, шайлоочулардын добушун сатып алуу жана башка кайрылуулар түштү. Кайрылуулар шайлоочулардан, талапкерлерден, коомдук фонддордон келди», — дейт ал.
