Чүйдө 17 жаштагы өспүрүмдүн жансыз денеси асылган абалда табылды. Бул тууралуу 7-каналга Чүй ОИИБден билдиришти.
8-мартта Ысык-Ата РИИБге үйүнүн алдындагы бакка асынып алган 17 жаштагы өспүрүмдүн жансыз денеси табылгандыгы тууралуу билдирүү түшкөн. Аталган дарекке барган милиция кызматкерлери өспүрүмдүн жансыз денесин табышкан. Денени кароо учурунда зомбулуктун белгилери байкалган эмес. Факты милицияга каттоого алынган.
Тергөөнүн жүрүшүндө өспүрүм телефонуна видео жаздырып кеткени аныкталган. Ал видеосунда жакындары менен коштошуп, кечирим сураган. Тергөө уланууда.
