Чүйдө темир керебетке кыпчылып калган 3 жаштагы кыз чыгарылды. Бул тууралуу ӨКМден билдиришти.
Куткаруучуларга 24-март күнү Токмок шаарындагы үйлөрдүн биринде кичине кыздын темир керебетке кыпчылып калганы тууралуу маалымат түшкөн. Маалыматка ылайык, куткаруучулар Жантаев көчөсүндө жайгашкан үйдүн батиринде темир керебетке кыпчылып калган 2019-жылы туулган кызды аман-эсен куткарып калышкан. Жерине ӨКМдин 4 куткаруучусу тартылып, 3 жашар наристени ата-энесине тапшырып беришкен. Наристе медициналык жардамга муктаж болгон эмес.
