Чүйдөгү жол кырсыкта 2 адам көз жумду. Бул тууралуу ӨКМден билдиришти.Маалыматка караганда, кырсык кечээ, 31-март күнү Москва районунун Төлөк айылында катталган. Анда Honda Stepwgn үлгүсүндөгү унаанын айдоочусу рулга ээ боло албай жолдон чыгып, бакты сүзгөн.
Кырсыктын кесепетинен 4 эркек киши, 2 кыз жабыркап, 2 адам көз жумган. Жабыркагандар: 2002-жылы туулган И.Б. 2002-жылы туулган А.У. дагы эки жарандык өздүгү такталып жатат. Ошондой эле 2005 жана 2001-жылы туулган кыздар жабыркаган.
Жерине ӨКМдин 5 куткаруучусу тартылып, каза болгон жарандарды унаадан чыгарып, ИИМдин кызматкерлерине өткөрүп беришкен. Ал эми жабыркаган жарандар Тез жардам кызматы менен Москва райондук ооруканага алып жеткирилген.
