Чүйдө дөңсөөдөн топурак урап, бир жаран көз жумду. Бул тууралуу ӨКМден билдиришти.
Маалыматка караганда, кырсык бүгүн саат 08:30дар чамасында Аламүдүн районунун Бишкек-Нарын-Торугарт айланма унаа жолу менен Алма-Ата көчөсүнүн кесилишинде болгон. Дөңсөөдөн топурак урап түшүп, эркек кишини басып калган.
Жерине Аламүдүн райондук №1 ӨКБдан 5 куткаруучу тартылып, саат 10:05те жарандын жансыз денесин чыгарган соң, укук коргоо кызматкерлерине өткөрүп беришкен. Учурда каза болгон жарандын өздүгүн тактоо жана окуяны иликтөө иши жүрүүдө.
