Чүйдө “Toyota Avensis” жана “Subaru Outback” унаалары кагышып, эки жаран каза болду. Бул тууралуу ӨКМдин басма сөз кызматы билдирди.
Маалыматка ылайык, бүгүн Чүй районуна караштуу, Бишкек — Нарын — Торугарт айланма жолунун 63-чакырымында жол кырсыгы болгон.
Жерине 4 куткаруучу тартылып, кырсыктын кесепетинен 2 жаран каза болгон. Ал эми 69 жаштагы эркек киши жана 65 жаштагы аял жана эки жаран жабыркап, ооруканага жеткирилген.
Куткаруучулар каза болгон адамдардын жансыз денелерин унаадан чыгарып, ИИМ кызматкерлерине өткөрүп беришкен.
