Чүйдүн тургунунун денесине оор залал келтирген уюшкан кылмыштуу топтун мүчөсү кармалды. Бул тууралуу облустук милициядан билдиришти.
2021-жылдын 29-январь күнү Чүй РИИБине арыз менен Кара-Ой айылынын тургуну кайрылган. Арызда чала тааныш адамы ага орой мамиле кылып денесине залал келтиргенин билдирген. Аталган факты Кылмыштардын жана жоруктардын бирдиктүү реестрине катталып, сотко чейинки өндүрүш иштери башталган.
Ыкчам иш-аракеттердин жыйынтыгында шектүү катары уюшкан кылмыштуу топтун мүчөсү катары ИИМде каттоодо турган 1980-жылы туулган Э.Т. аттуу жаран кармалган. Азыркы учурда шектүү Токмок шаарынын ички иштер бөлүмүнүн убактылуу кармоочу жайына камакка алынган. Тергөө иш амалдары улантылууда.
