Аламүдүн районунда чет элдик жарандын уюлдук телефонун тартып алган шектүү кармалды. Бул тууралуу Чүй ОИИБден билдиришти.
Маалыматка ылайык, 11-февраль күнү милицияга Азербайжандын 1960-жылы туулган жараны кайрылган. Аталган жаранды жана Азербайжандын дагы бир 2001-жылы туулган жаранын батирде бир ай бою кармап турган эки жигитке чара көрүүнү суранган. Алар күч колдонуп коркутуп, арыз ээсинин Редми 10 маркасындагы телефонун тартып алышкан.
Аталган факты Аламүдүн РИИБге катталып, Кылмыш-жаза кодексинин 206-беренесинин (каракчылык) негизинде кылмыш иши козголгон.
Жүргүзүлгөн ыкчам иштердин натыйжасында 1995-жылы туулган жаран кармалып, камакка алынган.
