Энергетика тармагындагы коррупциялык схеманын бети ачылып,“Чакан ГЭС” ААКнын жетекчилеринин бири пара менен кармалды. Бул тууралуу УКМКнын басма сөз кызматынан билдиришти.
Тергөө тарабынан “Чакан ГЭС” ААКнын жетекчиси жеке ишкерлерден системалуу түрдө түзүлгөн келишимдин суммасынан 10% өлчөмүндө пара талап кылган. Баш тартса, жеке компаниялар тарабынан аткарылган иштер үчүн акча каражатын төлөөнү кечеңдетүү менен коркутканы аныкталган.
Жүргүзүлгөн ыкчам иштердин натыйжасында, 150 миң сом алып жаткан жеринен А.М. кармалып, убактылуу кармоочу жайына киргизилди. Тергөө иштери жүрүп жатат.
