Мамлекеттик чек араны мыйзамсыз кесип өтүүгө аракет кылган чет элдик жарандар кармалды. Бул тууралуу УКМК билдирет.
20-майда саат 03:30да «Васильевка» чек ара заставасынын жоопкерчилик аймагынан, Казакстан тарабынан КР мамлекеттик чек арасын мыйзамсыз кесип өтүү аракети учурунда, Пакистандын 6 жараны кармалды.
Чек араны мыйзамсыз кесип өтүүгө аракет кылуу фактысы боюнча Кылмыш-жаза кодексинин 378 жана 37-беренесинин 1-бөлүгүндө каралган кылмыштын белгилери менен кылмыш иши козголду.
Кармалган чет өлкөлүк жарандар Бишкек ШИИБдин убактылуу кармоочу жайына киргизилди. Учурда тергөө иш-чаралары жүргүзүлүүдө.
