Ала-Бука райондук мамлекеттик мекемесинин жетекчисинен опузалап акча талап кылган активдүү интернет-блогер кармалды. Бул тууралуу УКМКнын басма сөз кызматы билдирди.
Маалыматка ылайык, 12-декабрда опузалап акча каражатын алып жаткан жеринен Д.С.М. аттуу блогер калмалган.
Ал социалдык түйүндөрдө интернетте ар кандай чагымчыл макалалардын жарыяланышын токтоткондугу үчүн Ала-Бука райондук мамлекеттик мекемесинин жетекчисинен опузалап акча талап кылган.
Кылмыш-жаза кодексинин 208-беренесинин 1-бөлүгү (Опузалап пара талап кылуу) боюнча «Д.С.М.» аттуу активдүү интернет-блогерге кылмыш иши козголуп, убактылуу кармоочу жайына киргизилди.
Учурда тергөө иштери жүрүп жатат.
