Бишкек шаарындагы Чоң Чүй каналына бүгүн эртең менен «Hyundai Solaris» үлгүсүндөгү автоунаасы түшүп кетти. Бул тууралуу маалыматты Кыргызстандын Өзгөчө кырдаалдар министрлиги билдирди.
Маалыматка ылайык, куткаруу кызматына күбөлөр саат 06:02де каналдын Алматы көчөсү менен кесилишкен жерине жеңил автоунаа түшүп кеткенин айтышкан.
«Атайын техниканын жардамы менен машина суудан тартып чыгарылды. Кырсыктан жабыркагандар жок, унаа Кайгуул милициянын кызматкерлерине өткөрүп берилген», — деп берилет маалыматта.
