7-мартта, Бишкекте 4-дивизиондогу командалар арасында хоккей боюнча дүйнө чемпионатында Кыргызстандын курама командасы Сингапурдун командасын жеңип алды.
Маалыматка ылайык, дүйнө чемпионаты шаардык муз аянтында өтүп, оюндун биринчи бөлүгү 6:0, экинчи бөлүктө эсеп 10:0, ал эми акыркы бөлүктө эсеп 15:0гө өзгөрүп, Кыргызстан Сингапурдун командасын багындырды.
Аталган турнирде Кыргызстан, Кувейт, Малайзия, Сингапур жана Ирандын курама командалы күч сынашууда. Буга чейин Кыргызстандын курамасы Иранды 13:1, Малайзияны 22:1 эсебинде жеңген.
Эскерте кетсек, хоккей боюнча дүйнө чемпионаты Кыргызстандын аймагында биринчи жолу өтүүдө.
