Бишкекте 4-дивизиондогу командалар арасында хоккей боюнча дүйнө чемпионатында Кыргызстандын курама командасы Малайзиянын командасын жеңип алды.
Маалыматка ылайык, алгачкы бөлүктө Кыргызстандын хоккейчилери жакшы оюн көргөзүп, эсеп 6:0 менен аяктаган. Ал эми экинчи бөлүктө кыргызстандык оюнчулар алдыга озуп, эсепти 16:1ге өзгөрттү. Үчүнчү бөлүктө Малайзиянын дарбазасына 6 гол кирди. Оюн 22:1 эсебинде аяктады.
Белгилей кетсек, киийинки оюн 7-мартта саат 20:00дө шаардык муз аянтында болот. Анда кыргызстандык хоккейчилер Сингапурдун командасына каршы беттешке чыгат.
