Борбордук шайлоо комиссиясынын төрайымынын орун басары Абдыжапар Бекматов шайлоо тилкелеринде социалдык аралыктарды сактоо боюнча иштер жүргүзүлө турганын айтты. Бул тууралуу ал бүгүн, 11-апрелде маалымат жыйынында билдирди.
«Борбордук шайлоо комиссиясы мамлекеттик органдар менен биргеликте калктын ден соолугун сактоо алкагында иш алып барды. Үгүт иштеринде, добуш берүүдө бир топ иш-чаралар каралды. Өзүн-өзү башкаруу өкүлдөрүнө атайын каражаттар берилди. Шайлоо тилкелеринин бардыгы коргоочу каражаттар менен камсыз болушту. Шайлоонун комиссия мүчөлөрү социалдык аралыктарды сактоо үчүн эрежелерди камсыздап жатат. Атайын алгоритм иштелип чыккан. Коопсуздук чаралар көрүлгөн. Шайлоочулардын, маалымат каражаттарынын өкүлдөрүн жана башкалардын дене табы өлчөнөт. Кайсы бир шайлоочунун дене табынын жогорулаганы байкалса саат 18:00дөн кийин катышуусу сунушталат», — деди
