Бүгүн, 16-марттагы Жогорку Кеңештин жыйынында депутат Жанар Акаев карызы бар мамлекеттик телеканалдарды сатууну сунуштады.
«Министрлер кабинетине эскертүү берсек жакшы болот эле. Жок нерсени талкуулап, убакыттын баарын кетирип жатабыз. Коомдук дегенди улуттук кылып өзгөртүп, жетекчисин президент дайындайт деп жатабыз. Азыр деле силерди президент дайындайт, макулдашасыңар. Коомдук деген аталышы болгону менен улуттуктай элек милдет аткарат. Мамлекеттин саясатын чагылдырыш үчүн миллиарддаган сом кетип жатат. «5-канал» жана башкаларын сатпайсыңарбы? Бүт карызга баткан телеканалдар. Өкмөттүн бир сайты бар kabar.kg деген. Жылына бюджеттен 29 миллион бөлүнөт. Ошол жакты окуйсуңарбы? Маалымат аласыңарбы?»,- деди ал.
Парламентте КТРКга “улуттук” макам берүү боюнча мыйзам долбоору талкууланууда.
Посмотреть эту публикацию в Instagram
