Ош шаарынын мэри Жеңишбек Токторбаевдин демилгеси менен кыргыз-өзбек чек арасындагы “Достук” көзөмөл-өткөрүү бекетине жакын аймакка 45 метрлик флагшток орнотулуп, анын айланасында заманбап эс алуу жайы курулду.
Бүгүн флагштокко Кыргыз Республикасынын Мамлекеттик туусу көтөрүлүп, эс алуу жайы расмий түрдө пайдаланууга берилди.
Иш-чарага Ош шаарынын мэри Жеңишбек Токторбаев, шаардык кеңештин төрагасы Болот Баетов, легендарлуу парламенттин депутаттары, кошуна өлкөлөрдүн консулдары жана шаар тургундары катышты.
Белгилей кетсек, аталган аймакты мэр рейддик кыдыруу учурунда жеринен көрүп чыккан.
Мурда флагшток орнотулган жерде май куюучу жай жайгашкан эле.
Ал алынып салынып, орду жашылдандырылып, брусчатка төшөлүп, отургучтар коюлду.
