Бишкекте 17-апрелде дуатлон боюнча мелдешке байланыштуу эки көчөнүн тилкелеринде жол кыймылы токтотулат. Бул тууралуу шаардык мэриянын басма сөз кызматы билдирди.
Маалыматка ылайык, иш-чара шаардын түштүк тарабындагы «Ынтымак» паркында, Масалиев жана Ч.Айтматов көчөлөрүнүн кесилишинде өтөт.
Мелдештин веложарыш этабына байланыштуу саат 07:10дөн 12:30га чейин Масалиев көчөсүнүн түндүк тарабы Ч.Айтматов проспектисинен Байтик Баатыр көчөсүнө чейин, ошондой эле Токтоналиев көчөсүнүн Безымяннаядан Масалиевге чейинки бөлүгү жабылат.
Эскерте кетсек, Масалиев көчөсүнүн түштүк тарабы чыгыш багыты боюнча гана унаа кыймылы үчүн ачык болот.
