Дыйкандарга 4 миллиард сом жеңилдетилген насыя берилди. Бул тууралуу Каржы министрлигинин маалымат кызматы билдирди.
Министрликтин маалыматы боюнча, «Айыл чарбасын каржылоо» долбоорунун (АЧК-13) алкагында 6 миң 487 айылдык товар өндүрүүчү жеңилдетилген насыя алган.
Эң көп насыя Жалал-Абад облусуна берилген, 810 млн сом 1 миң 259 насыячыга берилди. Эң азы Баткен облусу — 284 миллион сом 463 насыячыга берилген.
“AЧК-13” долбоору айыл чарба өндүрүүчүлөрүнө жеңилдетилген финансылык ресурстарга жетүү мүмкүнчүлүгүн түзүп, алардын чарбаларын модернизациялоого, заманбап технологияларды киргизүүгө жана өндүрүмдүүлүктү жогорулатууга мүмкүндүк берет.
