Эки жыл ичинде 200гө жакын тез жардам унаасы сатып алынды. Бул тууралуу саламаттык сактоо министринин орун басары Жалалидин Рахматуллаев брифингде билдирди.
Маалыматка ылайык, 2020-2021-жылдары 192 тез жардам жана 20га жакын реанимация унаалары алынган. Унаалардан тышкары көптөгөн керектүү жабдыктар алынып, бүгүнкү күндө тез жардам кызматынын базасында 689 унаа бар экендиги айтылат.
“Бизде 130га жакын машина жарактан чыккан. Бирок, Азия өнүктүрүү банкы аркылуу кошумча 62 унаа сатып алабыз”, — деди ал.
