Эл аралык террористтик уюмдун активдүү жактоочусу кармалды. Бул тууралуу УКМКдан билдиришти.
1995-жылы туулган А.К. аттуу кармалган жаран Жалал-Абад шаарынын тургуну. Мурда Коргоо министрлигинин атайын бөлүмдөрүндө кызмат өтөгөн.
2022-жылдын аягында Кыргызстандан чыгып кетип, Эл аралык террористтик уюмдун тарабында куралдуу кагылышууларга катышуу үчүн Сирия Араб Республикасына өтүп кетүүгө аракет кылган.
Бул факты боюнча кылмыш иши козголуп, кармалган адам УКМКнын Жалал-Абад облусу боюнча башкы башкармалыгынын тергөө абагына киргизилди. Учурда иликтөө иштери уланууда.
