Өлкө боюнча эл каттоочулар бүгүн, бешинчи күн иштеп жатышат. Бул тууралуу Улуттук статистика камитети билдирет.

Маалыматка ылайык, эл каттоонун биринчи күнүндө, 25-мартка караган түнү эки аэропортто (Ош шаарында жана Бишкек шаарында – “Манас” аэропорту) эл каттоо жүргүзүлдү. Ал жерде өлкөдөн чыгып кетип жаткандар катталды.

Эл каттоонун биринчи күнүндө президент Садыр Жапаров интервью берди. Анын үлгүсүндө өлкөнүн көптөгөн жашоочулары аларга келген каттоочуларга маалымат берүү менен каттоодон өтүп жатышат.

Мындан тышкары, эл каттоонун биринчи күнүндө 25-мартында – мейманканалардын тургундары, ооруканада жатып дарыланып жаткан оорукана уюмдарынын бейтаптары, ошондой эле санаторияларда, эс алуу үйлөрүнө жана башкаларга келгендер каттоодон өткөрүлдү.

Улуттук статистика комитети тарабынан уюштурулган «ишеним телефонуна» (тел. 1216) негизинен борборубуздун жашоочулары өздөрүн кызыктырган суроолорун берүү менен кайрылып жатышат. Эл каттоонун жүрүшү социалдык тармактарда чагылдырылып жатат.

Ушул жылы эл жана турак жай фондун каттоо үстүбүздөгү жылдын 3-апрелине чейин өтөөрүн эсиңиздерге сала кетели.