Кыргыз Республикасынын Өкмөтүнүн мүчөлөрү Кыргыз Республикасынын Президентин мөөнөтүнөн мурда шайлоодо жана өлкөдөгү башкаруу формасын аныктоо боюнча референдумда добушун берди. Бул тууралуу өкмөттүн басма сөз кызматы билдирди.
Атап айтканда, вице-премьер-министр Эльвира Сурабалдиева Бишкек шаарындагы №5-кесиптик лицейдин имаратында жайгашкан № 1209 шайлоо участогунда добуш берди.
«Мен жарандык милдетимди аткарып президентке жана башкаруу формасына добушумду бердим. №1209 шайлоо участкасында саат 12: 00гө карата калктын 10% дан азырагы добуш берди. Форма №2 жоктугунан калктын шайлоодогу активдүүлүгүнүн чыныгы сүрөтү көрүнүп турат. Урматтуу кыргызстандыктар, келечек сиздердин колуңуздарда — мен сиздерди кайдыгер карабоого жана добуш берүүгө катышууга чакырам», — деди ал.
