Быйыл кант кызылчасын кабыл алуу пункттарында электрондук кезекке туруу тиркемеси киргизилген. Анда ар бир фермер өз алдынча ага ыңгайлуу күнгө онлайн кезекке туруп, сырьесун тоскоолдуксуз өткөрүп кетүүгө мүмкүнчүлүк алган. Кант кызылчасын кабыл алуу пункттарынын өкүлдөрүнүн айтымында бул шарттар дыйкан-фермерлер үчүн ыңгайлуу болуп, жүктү ташууда сырье ээлеринин убактысын жана каражатын үнөмдөмөкчү.
Учурда 2025-жылдагы кант кызылчасын оруп-жыйноо иштери республика боюнча 60%-70% жыйынтыкталып калды.
Суу ресурстары, айыл чарба жана кайра иштетүү өнөр жайы министрлигинин маалыматы боюнча, кант кызылчасынын түшүмдүүлүгүнө караганда быйыл 2024-жылдагыдай эле кумшекерге болгон баа туруктуу сакталып, рынокто жетишсиздик жаралбайт деп күтүлүүдө.
