Мамлекеттик ипотекалык компанияга президенттин Чүй облусундагы ыйгарым укуктуу өкүлү Эркин Тентишев эки батир белек кылды. Бул тууралуу Мамлекеттик ипотекалык компаниясынан кабарлашты.
Маалыматка ылайык, Тентишев батирлердин ачкычтарын ипотекалык компаниянын жетекчиси Аида Төлөгөновага тапшырды.
“Президент баштаган демилгесин улай, өлкөдөгү турак жай маселесин чечүүгө салым кошолу деп, үй-бүлөбүз менен кеңешип, биз дагы эки батир берүүнү чечтик”, – деди ал.
Ошондой эле берилип жаткан батирлер “Менин үйүм 2021-2026” мамлекеттик турак жай программасынын катышуучуларына “кийин сатып алуу мүмкүнчүлүгү менен ижарага берүү” пландалууда.
Эскерте кетсек, ушул жылдын 30-сентябрында Садыр Жапаров Мамлекеттик ипотекалык компанияга өзүнүн Бишкек шаарында жайгашкан эки кабат үйүн белек кылган.
Ал үй сатыкка коюлуп, сатуудан түшкөн акчага программанын талаптарына ылайык келген батирлер сатылып алынып “кийин сатып алуу мүмкүнчүлүгү менен ижарага” берилет.
