Жалал-Абаддада кумшекер 70 сом, өсүмдүк майынын 5 литри 650 сомдон сатылып жатат. Бул тууралуу Жалал-Абад шаардык мэриясынын басма сөз кызматы билдирди.
Маалыматка ылайык, Жалал-Абад шаарына материалдык резервдер фонду тарабынан 8 тонна өсүмдүк майы, 16 тонна кумшекер келди. Бүгүн, 22-марттан тартып Жалал-Абад шаардык мэриясынын кызматкерлери тарабынан 1 кг кумшекер 70 сомдон, 5 литр өсүмдүк майы 650 сомдон сатыла баштады.
Эскерте кетсек, бир адамга 5 литр май, 5 киллограммга чейин кумшекер гана сатылат.
Белгилей кетсек, дареги Жалал-Абад шаары, Курманбек көчөсү 8 дарегинде. (Муниципалдык базар)
