Гонконгдогу турак жай комплексинде чыккан ири өрттөн улам каза болгондордун саны 94кө жетти. Бул тууралуу Казинформ агенттиги маалымдады.
Өрт өчүрүү кызматынын билдирүүсүнө ылайык, эң катуу жабыркаган жети имараттын экөөнөн сөөктөрдүн басымдуу бөлүгү табылган.
Жабыркагандардын арасында өрт өчүрүү кызматынын 11 кызматкери да бар экени белгилүү болду.
Белгилей кетсек, өрт Гонконгдогу турак жай комплексинде чыккан. Жалын косметикалык оңдоо иштерине орнотулган бамбук каркастар аркылуу жайылып кеткен. Комплексте 2 миңге жакын батир бар жана анда болжол менен 4 миң тургун жашачу. Өрт эң жогорку деңгээлдеги өзгөчө кырдаал катары бааланган.
