Бүгүн, экс премьер-министр Игорь Чудинов Башкы прокуратурага кыргыз-тажик чек арасы тууралуу сурак берип чыкты.
“Игорь Чудинов күбө катары суракка чакырылды. 2009-жылы аталган делегациянын курамында Баткенге баргандардын баары суракка алынат”, — деп билдиришти Башкы прокуратурадан.
Буга чейин ушул иштин алкагында Жогорку Кеңештин депутаты Адахан Мадумаров бир канча жолу сурак берип келген.
Эскерте кетсек, ал 2009-жылы Коопсуздук кеңешинин катчысы болуп иштеп турганда кол койгон кыргыз-тажик чек арасы тууралуу протоколго байланыштуу 14-январдан тарта күбө катары сурала баштаган. Чудинов ошол маалда өкмөт башчы болуп турган.
