«Банк кызматкери» катары чалган шылуундардан абайлоону Кыргыз Республикасынын ИИМдин КИББи билдирет.
«Акыркы мезгилде жарандарга «банк кызматкери» катары чалып, карта реквизиттерин, CVV-коддорун жана башка жеке маалыматтарды сураган алдамчылык учурлар көбөйүүдө. Коопсуздук эрежелерин сактоо үчүн, шектүү шилтемелерге өтпөй, белгисиз тиркемелерди орнотпоңуз, чалган номерлерди текшерип, бейтааныш адамдарга акча которбоо керек», — делет маалыматта.
Шектүү учурда банкка же мобилдик операторуңуздун расмий чалуу-борборуна же 102 кызматына кайрылуу керек.
