Индонезиядагы мектеп мечитинде жума намаз учурунда болгон жардыруудан 54 киши жаракат алды. Бул тууралуу Reuters маалымат агенттиги билдирди.
Маалым болгондой, жардыруу Жакартадагы мектеп комплексинде болгон. Учурда аймакты куралдуу полиция кайтарып жатат.
Шаар полициясынын башчысы Асеп Эди Сухери Келапа-Гадингдеги курулушта болгон жарылуунун себебин иликтеп жатканын билдирди.
Анын айтымында, орто жана оор жаракат алган 54 адам ооруканага жеткирилген. KompasTV жана MetroTV жаңылык каналдары полициянын мектепти курчоого алып, тез жардам унаалары жакын жерде токтоп турганын көрсөткөн кадрлар менен бөлүшүштү.
