Бишкек шаарынын «Адистештирилген балдар-өспүрүмдөр олимпиадалык резервдеги спорттук мектебинин» тарбиялануучулары Иорданиядагы Азия чемпионатында спорттун күрөш түрү боюнча 5 медаль жеңип алышты. Бул тууралуу мэриянын басма сөз кызматы билдирет.
Маалыматка ылайык, турнир 27-февралдан 14-мартка чейин Амманда шаарында өттү.
- 57 кг чейин, 2-орун — Акжол Асылбек уулу, машыктыруучу Мусакунов К.Б.
- 86 кг чейин, 3-орун — Санжар Теңизбеков, машыктыруучу Джаналиев С.К.
- 92 кг чейин, 3-орун — Арген Бактыбеков, машыктыруучу Тулебергенов Н.У.
- 92 кг жогору, 3-орун — Жодарбек Сапарбеков, машыктыруучу Абаев А.Н.
- 60 кг чейинки кыздар, 3-орун — Бактыгүл Курманбекова, машыктыруучу Кадыралиев Т.Б.
Борбор калаанын мэриясы жаш спортчуларды жеңиши менен куттуктап, мындан ары да ийгиликтерди багындырышын каалайт.
