Кара-Суу агрардык өнүктүрүү департаментинин директору алдамчылыкка шектелип, убактылуу кармоочу жайга камалды. Бул тууралуу УКМК кабарлады.
А.Г.Н. аттуу жаран Кара-Суу агрардык өнүктүрүү департаментинин директору 11 700 АКШ доллары өлчөмүндө акча каражат алганын, Ош облусунун аймагында жеке турак жай үчүн жер тилкесин берүүнү убадалаганын айтып кайрылып, чара көрүү өтүнүчүн билдирген.
Аталган кызматкер кызмат абалынан кыянаттык менен пайдаланып, алдоо жолу менен акча каражаттарын ээлеп алганы аныкталган.
Учурда тергөө иштери жүрүп, кылмыш схемасынын бардык катышуучулары аныкталууда.
