Алмазбек Исманкуловдун көз микрохирургиялык ооруканасын оңдоп-түзөө иштери жүрүүдө. Бул тууралуу 7-каналга саламаттыкты сактоо министри Алымкадыр Бейшеналиев билдирди.
Эске салсак, буга чейин Саламаттыкты сактоо министрлиги Бишкектеги №2 оорукананын аймагындагы дарыгер Исманкуловдун клиникасынын ижарага алынган имаратын кайтарууну пландап жатканын кабарлаган.
Мындан соң, саламаттык сактоо министри Алымкадыр Бейшеналиев дарыгер Алмазбек Исманкулов жетектеген Көздүн микрохирургиялык ооруканасын бошотуу талабын айткан. Бейшеналиев шаардык оорукананын экинчи корпусунда жайгашкан Алмаз Исманкуловдун менчик медициналык борбору менен түзүлгөн ижара келишими жокко чыгарылганын белгилеген.
