Бүгүн, 25-февралдагы Жогорку Кеңештин жыйынында депутат Исхак Пирматов тарабынан демилгеленген «Үй-бүлөлүк зомбулукка каршы күрөшүү чөйрөсүндө Кыргыз Республикасынын айрым мыйзам актыларына өзгөртүүлөрдү киргизүү жөнүндөгү» мыйзамдын долбоору үчүнчү окууда каралды. Бул тууралуу Жогорку Кеңештин Басма сөз кызматы билдирди.
Жогорку Кенештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин төрайымы Наталья Никитенко аталган мыйзам долбоору үй-бүлөлүк зомбулукка каршы күрөшүү боюнча мамлекеттик саясаттын натыйжалуулугун жогорулатуу максатында иштелип чыкканын билдирди.
Талкуудан соң мыйзам долбоору үчүнчү окууда добуш берүүгө жөнөтүлдү.
