Марал Шаболотованын үйү бүтүү алдында турат. Бул тууралуу Мирбек Осмонов билдирди.
«Усталар үйдүн чатырын көтөрүп жатышат, коро жайы толугу менен тозулуп, андан сырткары кум шыбагы бүттү»-деди ал.
Эскерте кетсек, 3-март күнү Сокулук районунун Новопавловка айылынын Ак-Ордо-3 жаңы конушунда соттун чечими менен Марал Шаболотованын үйү сүрдүрүлгөн. Ал 4 баласы менен көчөдө калган. Президент 5-мартта, «Ак-Ордо» конушуна пландан тышкары барып, соттун чечими менен үйү түрттүрүлүп жана балдары менен барар жери жок калган Шаболотова менен жолуккан. Бул кабар коомчулукта чоң резонанс жаратып, буга байланыштуу мамлекет башчысы маселени жеринде териштирүүнү чечкен. Жапаров окуянын чоо-жайын сураштырып, жергиликтүү тургундар менен баарлашкан. Ага президенттин тапшырмасы менен ошол эле жерге үй салына баштаган.
