Костанай облусунун Тобол шаарында күйөөсү аялын таңга чейин чынжыр менен байлап койгон. Бул тууралуу Костанай облустук милициясынын басма сөз кызматы билдиргенин Alau.kz жазып чыкты.
Маалыматка ылайык, 44 жаштагы аял күйөөсүн жоопкерчиликке тартуу боюнча арыз менен милицияга кайрылган. Аялдын айтымында, түндө үй-бүлөлүк чыр чыгып, күйөөсү буттарын темир чынжыр менен жылытуучу радиаторго байлап салган. Ал таң атканга чейин ошол жерде отурган.
«Күйөөсү аялын спирт ичимдиктерин көп ичкени менен түшүндүрүп, түнкүсүн качып кетпесин деп байлап койгон.
Учурда Кылмыш-жаза кодексинин 126-беренеси «Мыйзамсыз түрдө эркиндигинен ажыратуу» боюнча иликтөө иштери жүрүп жатат.
Бул беренеде үч жылга чейинки мөөнөткө эркиндигин чектөө же ошол эле мөөнөткө эркиндигинен ажыратуу каралган»,- деп берилет маалыматта.
