Чил-Устун үңкүрү — Ош облусунун Араван районунун аймагында жайгашкан. Үңкүр Чил-Устүн тоосунун түштүк-чыгыш капталында, Араван кыштагынан 1,5 км түндүк-батыш тарапта жайгашкан. Карбон мезгилинин акиташ тектеринде пайда болгон. Үңкүр үч айрыгынан турат. Жалпы узундугу 400 метр, эң ири айрыгынын узундугу 85 метр, туурасы 40 метр жана бийиктиги 25 метр.
Бул үңкүр – Орто Азиядагы эң кооз үңкүрлөрдүн бири. Анда хемоген чөгүндүлөрүнүн бардык Уформалары кездешет. Үңкүрдүн 1-айрыгынын боорлорунда санскрит, араб, орус тилдериндеги жазуулар бар. Санскритчеси XVII кылымга чейин жазылгандыгы божомолдонот. Ошондой эле жергиликтүү элдердин чырактары жана башка байыркы буюмдары табылган. Туристтик-экскурсиялык маршруттарды, дарылоо жайларын курууга эң ылайыктуу. Тарыхчылар үчүн да кызыктуу үңкүр.
Сүрөттү тарткан Исхак Туратбеков.
