Массалык башаламандыкка чакыруу боюнча шектүү катары УКТнын мүчөсү кармалды. Бул тууралуу УКМКдан билдирди.
Жоюлган Камчы Асанбектин уюшкан кылмыштуу тобунун мүчөсү катары ИИМдин каттоосунда турган 2013-жылы Кылмыш-жаза кодексинин 123-беренеси (1997-ж. редакциясы, Адам уурдоо) менен, 2022-жылы Кылмыш-жаза кодексинин 283-беренеси (Баңги каражаттарын мыйзамсыз даярдоо) боюнча соттолгон «Огуз» каймана аты бар 1988-жылы туулган Кыргызстандын жараны кармалды.
Кармалган Б.Э.Б. социалдык тармактарда фейк аккаунттар аркылуу, жок кылынган К. Асанбек үчүн өч алуу ниетинде, массалык баш аламандыкка чакырган постторду байма-бай жарыялаган.
Бул факты боюнча Кылмыш-жаза кодексинин 278-беренеси (Массалык баш аламандык) менен кылмыш иши козголуп, кармалган жаран КР Юстиция министрлигинин №21 мекемесине киргизилген. Учурда тергөө амалдары жүргүзүлүүдө.
