УКМКнын төрагасы Камчыбек Ташиев Жумалиевдин адвокаты Бактыбек Жумашевге жооп берди. Ал бул тууралуу өзүнүн социалдык тармактагы баракчаларына жазган.
Анын айтымында, Кубанычбек Жумалиев бир участокту 17 миң сомго сатып алып, азыркы курс менен 185 миллион сомго саткан.
«Жумалиевдин адвокаты Жумашев айтат, мен депутат Жумалиевдин мүлкү жөнүндө туура эмес маалыматтарды айткан имишмин. Анда уккула, мен чындыкты айтып жатам, дагы бир нерсени айтайын, К.М. Жумалиев бир участокту 17 миң сомго сатып алып, аны бүгүнкү курс менен 185 миллион сомго сатып, эч кандай салык төлөгөн эмес, буга эмне дейсиз? Мына ушундай жактоочу мырза, ал коррупционер, эми уурдалган нерсенин баарын мамлекетке кайтарып берет, биз аны мыйзам менен мажбурлайбыз!!!», — деп айтылат билдирүүдө.
