16-19-декабрь күндөрү Каба уулу Кожомкул атындагы спорт сарайында (Бишкек шаары) эркектер жана кыз-келиндер арасында оор атлетика боюнча 1980-жылы өткөн Олимпиада оюндарынын жеңүүчүсү, оор атлетика боюнча Дүйнөнүн төрт жолку чемпиону жана Европанын эки жолку чемпиону Каныбек Осмоналиевдин байгесине арналган оор атлетика боюнча эл аралык мелдеш өттү.
Мелдешке эркектер арасында 55, 61, 67, 73, 81, 89, 96, 102, 109, +109 кг салмак категорияларда, кыз- келиндер арасында 45, 49, 55, 59, 64, 71, 76, 81, 87, + 87 кг салмак категорияларында Кыргызстан, Казакстан, Өзбекстан, Россия жана Нидерландыдан келген 128 спортчу катышты.
Мелдештин биринчи күнү салтанаттуу ачылыш аземи өтүп, ага Дене тарбия жана спорт департаментинин директорунун орун басары Самат Токтоналиев, КР ЖК депутаты Шайлообек Атазов, Каныбек Осмоналиевдин жакындары жана санаалаштары катышты.
