Бүгүн, 5- ноябрда Кара-Көл шаарында 32 жаңы батирлүү үй пайдаланууга берилди. Бул тууралуу аталган шаардын басма сөз кызматынан билдиришти.
Маалыматка ылайык, аталган үй Мамасалы Сабиров атындагы көчөдө жайгашып, 4 кабаттан, 32 батирден турат. Үйдүн курулушуна жергиликтүү бюджеттен 50 миллион сом каражат сарпталды.
Эске салсак, 2024-жылдын 13-августунда М. Сабиров көчөсүндөгү №85 жыгач тибиндеги 16 батирден турган эки кабаттуу үй толугу менен күйүп кеткен. Дал ошол үй-жайсыз калган 15 жабырлануучуга дагы батир берилген.
Андан сырткары, мүмкүнчүлүгү чектелген жарандар жана турак жайга муктаж тургундарга жаңы үйдүн ачкычы тапшырылды.
