“Кыргызкөмүр” ишканасы тарабынан уюштурулган социалдык көмүр кампаларында көмүрдүн тартыштыгы байкалууда. Бул тууралуу “Кыргызкөмүр” ишканасы билдирди.
Анда элди арзан көмүр менен камсыз кылуу максатында бир катар чаралар көрүлүүдө.
Бул багытта Кара-Кече кенине жеке көмүр ташуучулардын кирүүсүнө убактылуу чектөө киргизилди.
Мындай чара көмүр запасын өз убагында жана толук көлөмдө толуктоо, базардагы бааларды турукташтыруу жана калктын аз камсыз болгон катмарын социалдык баада көмүр менен камсыз кылууга багытталган.
“Кыргызкөмүр” ишканасы элге арзан көмүр жеткирүү максатында жеке айдоочуларды кызматташууга чакырат.
Социалдык базалар толук көмүр менен камсыз болгондон кийин, жеке ташуучулардын иши кадимки тартипте улантылат.
