Кара-Суу районунда кош бойлуу аялына бычак урган күйөөсү кармалды. Бул тууралуу Ош облустук милициясынан билдиришти.
Маалыматка ылайык, окуя кечээ, түндө саат 23:30 чамасында болгон. Милиция барганда 40 жаштагы Л.И. өз үйүндө пикир келишпестиктен улам 33 жашагы С.И. аттуу жубайына бычак сайып жибергени аныкталган. 5 айлык боюндагы баланы сактоого мүмкүн болгон эмес.
Келиндин туугандары Ош облустук төрөт үйүнө жеткизишкен. Кош бойлуу аялды өлтүрүүгө аракет кылуу беренеси менен иш козголуп, кылмышка шектелген күйөөсү Кара-Суу РИИБдин убактылуу кармоочу жайына киргизилди.
Учурда тергөө иштери жүрүп жатат.
