Кара-Суу РИИБнын тергөө бөлүмүнүн тергөөчүсү кармалды. Бул тууралуу УКМКнын басма сөз кызматы билдирди.
Маалыматка ылайык, аталган факты Кылмыш-жаза кодексинин 343-беренесинин 1-бөлүмүндө каралган (Опузалап акча алуу) факты боюнча сотко чейинки өндүрүштүн алкагында, тергөө иштеринин жүргүзүүдө Ош облусунун Кара-Суу РИИБнын тергөө бөлүмүнүн тергөөчүсү пара алып жаткан жеринен кармалды.
Кара-Суу РИИБнын тергөө бөлүмүнүн тергөөчүсү, милициянын ага лейтенанты К.М.К кылмыш жоопкерчилигине тартуу менен Кара-Суу районунун тургунун коркутуп, андан 50 000 сом акча талап кылгандыгы аныкталган.
Көрсөтүлгөн сумманын 15 миң сом бөлүгүн алуу учурунда тергөөчү К.М.К кармалып, УКМКнын тергөө камак жайынын убактылуу кармоочу жайына киргизилди.
Учурда тергөө иштери уланууда.
