Кыргыз Республикасынын Судьялар кеңешинин сунушу боюнча Конституциялык сотунун төрагасы Карыбек Дүйшеев жана Жогорку сотунун төрагасы Нургүл Бакирова кызматынан өз каалоосу менен мөөнөтүнөн мурда бошотулду. Бул тууралуу президенттин басма сөз кызматы билдирди.
Маалыматка ылайык, тийиштүү жарлыкка өлкө башчы Садыр Жапаров кол койду.
Белгилей кетсек, Карыбек Дүйшеев бул кызматты 2019-жылдан бери аркалап келет. Анын ордуна Эмиль Өскөнбаев сунушталууда.
Ал эми Бакирова бул кызматты 2021-жылдан бери аркалап келген. Анын ордуна Замирбек Базарбековдун талапкерлиги каралып жатат.
