Милиция тарабынан алдамчылыкка шектелген жаран кармалды. Бул тууралуу Ленин РИИБден билдиришти.
Ленин РИИБге аял киши кайрылып, андан 4 миң 500 доллар акча каражатын карызга сурап, алгандан кийин кайтарып бербей койгон жаранга чара көрүүнү суранган. Аталган факты реестрге катталып, Жазык кодексинин 209-беренеси (алдамчылык) менен кылмыш иши козголгон.
Кылмышка шектелип, 1989-жылы туулган жаран кармалып, убактылуу кармоочу жайга киргизилген. Ленин райондук сотунда бөгөт чарасы каралып, 2 айга камакка алынды.
