Алматыда катуу шамалдан эки адам жабыркады. Бул тууралуу Алматынын ӨКМ билдиргенин Спутник Казакстан жазып чыкты.
«Кечээ, 29-март күнү катуу шамал жана нөшөрлөп жааган жамгырдын кесепетинен бак-дарактар кулап, чатырлар учуп түшкөнү тууралуу 34 билдирүү түшкөн. 2 турак үйдүн короолорун суу каптады», — деп билдирген Өзгөчө кырдаалдар министрлиги.
Башкармалыктын маалыматы боюнча, эки адам жабыркаган. Учурда алардын ден соолугуна коркунуч жок.
«Жамгыр түнкү саат 3кө чейин созулду. Аба ырайына байланыштуу унааларды бак-дарактардын түбүндө калтырбоону өтүнөбүз», — деп айтылат маалыматта.
